«Бұтақ жайған ағаш қартаймайды, ұрпақ жайған адам қартаймайды» дейді. Соңғы кездері тал егу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама.

Осындай іс-шара Шу аудандық "Жәми" мешітінің ұстазы Лаззат Махамбетованың ұйытқы болуымен жасалып, мешіт шәкірттері баққа ағаш отырғызды. 

Балаға берілген мұндай тәрбие, әрі сауап, әрі өмірлік тәжірибе. Шәкірттер бірлесе 30 түп жеміс ағашын, 50 түп раушан гүлін және 200-ден астам түрлі гүлдерді екті. Әрбір дарақты еккенде ұстаз шәкірттерімен дұға жасады.

Шу аудандық "Жәми" мешітінің баспасөз қызметі