Тұрар Рысқұлов ауданы Луговой ауылдық «Әл-Хақ мешітінің жастары жамағатқа ауыз ашу үшін су мен құрма таратты. Қасиетті айда мешіт жастары өз жомарттықтарын көрсетіп, қайырымдылық жасады.
Ораза ұстаған адамға ауызашар беру ораза ұстағандай сауап берілетіндігін білген жастар осы игі істі қолға алды. Сонымен қатар, «Әл-Хақ мешітінде күн сайын тарауих намазынан кейін Рамазан айының құрметіне жамағатқа тегін нан таратылуда. Бұл қайырымды істі мешіт қызметкерлері іске асыруда. Алла қасиетті айда жасап жатқан ізгі амалдарын қабыл етіп, сауаптарын еселесін.
Қуаныш Тузелбеков
Рысқұлов аудандық мешіттің баспасөз қызметі