Жамбыл облысы Байзақ ауданының бас имамы Түймекент ауылының тұрғындарымен кездесті. Кездесуге «Түймекент» мешітінің имамы Абдуахад Абдуманнан, «Әбдікерімұлы Айдар» мешітінің имамы Бауыржан Туганасов , «Аймантөбе» мешітінің молдасы Кенжехан  Рахманов және ауыл ақсақалдары мен жастары қатысты.

Аудан бас имамы Қанат Әділханұлы: "Біздің осында жиналып сіздермен бас қосудағы мақсатымыз қоғамда болып жатқан өзекті мәселе – жаназа, жерлеу рәсімдерін бірізділікке түсіру болып табылады. Жаназа шығарылатын үйде үш күнге дейін қазан асылмауы керек. Бұл той емес, қаза. Осы себепті көрші-қолаңдары қолдау көрсетіп қаза болған үйге ас пісіріп алып келгендері дұрыс. Себебі Пайғамбарымыз (Алланың игілігімен сәлемі болсын) хадисінде: «Жағфардың үйіне тамақ алып барыңдар. Өйткені олар қазір қайғырып жатыр», - деген екен сахабаларына" - деп атап өтті.

Қабір басында шапан, ақша тарату тоқтатылсын. Себебі өлім бардың малын шашады, жоқтың артын ашады», - дейді қазақ.

Осы кездесуде ауыл қариялары кезек-кезегімен сөз алып, аудан бас имамының бастамаларына колдау көрсететінін жеткізді.

"Байзақ баба" мешітінің баспасөз қызметі