Жамбыл ауданы орталық «Бәйдібек» мешіті мен аудандық «Мәдениет» үйінің ұйымдастыруымен «Қош келдің, Рамазан» атты шара аясында дін және дәстүр насихатталды. Іс-шараға  арнайы Жамбыл облысының бас имамы Бейбіт Мырзагелдиев және аудан, ауыл имамдары қатысты.

Келелі кездесуде, қазақтың ұлттық ойындары: асық атудан, арқан тартудан, ләңгі ойынынан сайыстар өткізілді. Жүлделі орын алғандарға, арнайы «Қош келдің, Рамазан» атты қорапшадағы сыйлықтар табысталды.

Дін мен дәстүрдің қоғамдағы алатын орны жоғары, ұлттық құндылықтар дұрыс қалыптасу үшін де атқарар маңызы өте зор. Дін – адамдық ізгі қасиеттерімізді асқақтатса, салт-дәстүр – ұлт болып қалыптасуымыз үшін қажет.

Жамбыл аудандық мешітінің баспасөз қызметі