Пайғамбарымыздың (ﷺ) сүннетінде бірінші ракағатта «Фатиха» сүресінен кейін оқылатын қосымша сүре, екінші ркағатта оқылатын қосымша сүреден ұзынырақ болуы керек.

Намаздың екінші ракағатын бірінші ракағаттан үш аятқа болса да ұзағырақ оқу мәкрүһ болып саналады, алайда аяттарының ұзындығы бойынша айырмашылығы бар екі сүрені сөздерінің санына байланысты бағалауға болады.

Демек, егер бірінші ракағаттағы қосымша сүре 15 аяттан тұрса, бірақ сөз санына байланысты екінші ракағатта оқылатын 20 аяттан тұратын сүреден көп болса, онда мұндай сүрені оқудың еш әбестігі жоқ. Сондай-ақ, қосымша сүрелерді Құранда келтірілген реттілік бойынша оқу маңызды. Аталмыш қағиданы ұстанбау мәкрүһ болып саналады.

asyldin.kz