...Бөлмеде төрт майшам жаймен жанып тұр. Құлаққа ұрған танадай тыныштық орнағандықтан, майшамдардың өзара тіл қатысып тұрғаны ап-анық естіліп тұрды. Бірінші майшам: «Мен – сабырмын, алайда адамдар мені сақтай алмайды», - деді де сөніп қалды. Екіншісі: «Мен – сеніммін. Мен ешкімге қажет емеспін. Адамдар мен туралы естігілері де келмейді», - деді. Сол мезет салқын самал соғып, сенім майшамын өшіріп тастады. Сабыр мен сенімнің сөніп қалғанын көрген үшінші майшамның дауысы дірілдеп: «Мен – махаббатпын, бірақ мені адамдар бағаламайды», - деп тіл қатты да ол да сөніп қалды. Осы кезде бөлмеге кірген бүлдіршін қараңғылықтан қорқып жылап жіберді. Сонда төртінші майшамға тіл бітіп: «Қорықпа да жылама! Мен жанып тұрғанда өзге де майшамдарды қайтадан жағып алуға болады. Мен – үмітпін!» - деп жұбатты баланы.

«Үмітсіз шайтан», - дегендей ешқашан үмітіміз сөнбесін, ағайын! Тек Рамазан айында ғана емес, жыл он екі ай Алла Тағаланың Мейірімінен үмітімізді үзбейік!

Ақерке СЫДЫҚОВА

asyldin.kz