Ресей Федерациясында тұңғыш рет мұсылман дәрігерлерінің одағы құрылды. Аталмыш бірлестік жетекшісі Рәміл Хисамовтың айтуынша, медициналық білімі бар мамандар, сондай-ақ, медициналық жоғарғы оқу орнында білім алып жүрген студенттер бұл одаққа мүше бола алады.

Жалғыз-ақ шарты: одаққа мүше болғысы келетіндер тек мұсылман болуы әрі діни сауаты болуы тиіс. «Одақ қоғамның өтінішін қанағаттандыру, науқастарды шариғат талабына сай емдеу мақсатында құрылды.

Біз Сүннетке сай қалай тамақтану, қалай жату, қалай өмір сүру керектігін түсіндіретін боламыз»,- деді аталмыш одақ басшысы. Қазірдің өзінде аталмыш одаққа мүшелікке өтуге 80-на аса дәрігер өтініш берген екен.