1. Алла Тағала Қасиетті Құранда былай айтқан:  «Өйткені, намаз мүміндерге белгілі уақытта парыз қылынды» (4:103). Бұл аяттан түсінетініміз, әрбір намаз нақты бір уақытта орындалады. 

2. Алла Елшісінің (ﷺ) айтуына қарағанда, намаз уақыты кіре сала оқылған намаз ең игі амалдардан болып табылады (Бұхари, Мауакит, 5; Мүслим, Иман, 139).

3. Намазды себепсіз оның  уақытының соңына қалдыру тахриман-мәкрүһ болып табылады  (әл-Ихтийар, 1/41; Вехби Зухайли, әл-Фикхул-Ислами, 1/522). 

4. Уақытында оқылмаған қаза намаз, қарыз болып қалады, оны өтеу  қажет. Алайда қарыз ретінде қазаның орнын толтырып оқыған намаз қасиеті әрі сауабы жағынан алып қарағанда, уақытында оқылған намазға тең келмейді.

Алайда, осы арада айта кететін бір жайт -  нақты бір себептердің салдарынан кейде Алла Елшісі (ﷺ) кейбір намаздарды кейінге қалдырып отырған. Мысалы үшін, бұлтты немесе қатты ыстық болғанда Алла Елшісі (ﷺ) бесін намазының оқылуын кешіктірген екен (әл-Ихтийар 1/39).

asyldin.kz