Угандада әлемдегі ең көп балалы ана тұрады. 38 жастағы Марьм Набатанзи 38 баланы дүниеге әкелген, деп хабарлайды Islam.ru.

Жергілікті Kenya CitizenTV телеарнасының мәліметінше, Марьм Набатанзидің денсаулығында бір ерекшелік бар. Ол әркез бір баладан артық туады. Ол бес рет егізден туған, төрт рет үшем және бес рет төртемнен туған екен.

Оның отбасы кофе плантациясы маңындағы үйшікте тұрады.

Еске салсақ, Бангладеш республикасының тұрғыны Арифа Султан да дүниеге алғаш ұлын босанып, 26 күн өткеннен кейін тағы егіз туған. 22 жасар ана ақпан айының соңында ұл босанған, бір айдан соң, яғни 22 наурыз күні тағы толғақ келіп, егіз бала туған екен.