Ақан Телманов есімді Ақтау қаласының тұрғыны табиғатта, соның ішінде қазақ даласында өте сирек кездесетін аса ірі әрі жыртқыш құсты - қара тазқараны таспаға тартып алыпты.

Ақанның айтуынша, тазқаралар Маңғыстау облысына қарасты Түпқараған ауданындағы Жангүрші деген жерде көзге түскен. Бұл жайында "Лада" ақпарат көзі хабар таратты. Тазқаралар сәуір айының 8-і күні кешқұрым таспаға тартылып алынған. Аталмыш құстың ірілігі соншалықты, бүркіттің дене тұрқынан үш есе үлкен келеді.

Бүгінде жоғалуға айналған аталмыш жыртқыш құс Тянь-Шань мен оның сілемдерінде (Шу-Іле тауында, Қаратауда), Жоңғар Алатауында кездеседі. Еліміздің басытысында орын тепкен Үстірттен, Шу жазығынан және Сауыр жоталарынан 1998 жылы ұясы табылғанын айта кету керек.