ЮНЕСКО террористер шабуылынан қираған тарихи және мәдени ескерткіштерді қайта қалпына келтіру жұмысында жасанды интеллект алгоритмдері мен пилотсыз ұшақты қолдануға бағытталған ауқымды жобаны жүзеге асыруды жоспарлайды. Бұл туралы халықаралық ұйым жетекшісі Одре Азуле мәлімдеді, деп хабарлайды ТАСС.

«Біз нақты жоспар құрдық. Менің ойымша, мұны Алеппо қаласында іске асыру керек. Біз пилотсыз ұшақ арқылы және жасанды интеллект көмегімен содырлар шабуыланан қираған, бүлінген тарихи, мәдени ескерткіштерді қалпына келтіруді жоспарлаймыз. Бұл өте күрделі, ауқымды жұмыс» дейді ұйым жетекшісі.

Еске салсақ, қазір Әлемдік мәдени мұралар тізімінде Сириядағы алты нысан кіреді. Оның біраз бөлігі ДАИШ содырлары әрекеттері салдарынан бүлінген.