Неміс IPK International талдамалы компаниясының сарапшылары мұсылман саяхатшыларының қай жерде, қалай демалатындығына талдау жасаған.
Зерттеулер нәтиежесі бойынша, соңғы 5 жылда мұсылман туризмі 40% артқан. Сарапшылардың пікірінше, бұл көрсеткіш келешекте де сақталатын болады.
Индонезия, Түркия және араб елдерінің тұрғындары саяхатқа анағұрлым жиі шығатындығы анықталған.
Ислам дінін ұстанушылар көбіне демалыс күндерін қалада қыдырумен, яғни, өз шаруаларымен немесе туыстары мен достарына қонаққа барумен өткізетін көрінеді.
Шет елдерге жасалатын саяхаттардың 10% діни саяхаттар мен қажылықты құрайды, ал басқа мұсылман емес елдерде бұл көрсеткіш тек 1% аспайды.
Мұсылман саяхатшылары көбіне БАӘ, Германияға, Сауд Арабиясына, Малайзия мен Сингапурге барады екен.
Мұсылман-туристердің 75% – 25 пен 44 жас арасындағы адамдар және олардың басым көпшілігінің білім деңгейі жоғары болып келеді.
asyldin.kz