Осы жылдың қараша айында Манчестерде қала тұрғынары мен меймандарын мұсылмандардың бай өнері және мәдениетімен таныстыратын мұсылман өнер фестивалі өтеді.

Шараны ұйымдастырушы шығу-тегі пәкістандық болып келетін жазушы Каисра Шахраздың мәлімдеуінше, форум аясында бірқатар іс-шаралар, соның ішінде, көркем көрме, әдеби оқулар, сондай-ақ, гастрономиялық, музыкалық және әзіл-оспақ фестивалдері өткізіледі деп жоспарлануда.

Айта кететін жайт, аталмыш фестивальдің барлық іс-шаралары қаланың ірі мұражайларында, кітапханаларында, галереяларында, сондай-ақ, Манчестер университетінің аумағында өткізілетін болады.

Фестивальдің ең қызықты сәттерінің бірі – ислам дінін қабылдаған Стэлибридж қаласының мэрі, бұрынғы консерватор Роберт Стэнлидің шөберелерімен жүздесу болмақ.

asyldin.kz