Дубай халықаралық кинофестивалі 2004 жылдан бастап өткізіліп келеді. Алайда 2018 жылғы Дубай халықаралық кинофестивалі өткізілмейтін болды. Жуырда БАҚ-та пайда болған сыбыстарды іс-шара ұйымдастырушылары ресми түрде растап отыр.
«Индустрия жылдам өзгеруде, онымен бірге біз де өзгерудеміз. Дубай халықаралық кинофестивалінің ұйымдастырушысы жаңа тәсілдер қолданып көрмекші – бұдан былай фестиваль екі жылда бір рет өткізілетін болады және 2019 жылы 15-ші инкарнация орын алады», - деп мәлімденген Twitter микроблогында.
Фестивалдің нақты өткізілетін күні кейінірек белгілі болады. Айта кету керек, 2004 жылдан бастап өткізіліп келе жатқан кинофестиваль үстіміздегі жылдың желтоқсанында өткізілуі керек болған.
asyldin.kz