Алматы облысының бас имамы Мадияр Тағайбайұлының бастамасымен орталық «Қапшағай» мешітінде өңірге қарасты дін қызметкерлерінің алда келе жатқан аттестаттауға дайындық семинары ұйымдастырылды.

Кереку өңірінде Астана-Павлодар, Павлодар-Астана бағыттарындағы күре жолдың бойынан екі намазхана ашылды.

Биыл Нұр-Мүбарак университетінен үш сатылы білім беру бағдарламасы бойынша 479 маман (411 бакалавр, 58 магистр, 10 докторант) түлеп ұшпақ. Осыған орай аталмыш білім ордасында жұмыс беруші мекеме өкілдері, оның ішінде Қазақстан мұсылмандары діни басқармасының Астана, Алматы мен Шымкент қалаларындағы, облыстардағы өкілдіктерінің бас имамдары болашақ түлектермен арнайы кездесті.

ҚМДБ «Зекет және қайырымдылық» қорының «Қолдан-қолға» жобасы аясында Алматыдағы «Нұр-Мүбарак» университетінде білім алып жатқан Маңғыстау өңірінің студенттеріне зекет таратылды.

Бүгін Қазақстан мұсылмандары діни басқармасының төрағасы Наурызбай қажы Тағанұлы Атырау облысына барған сапарында Жылыой ауданы Құлсары қаласының тұрғындарымен кездесті.

Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасымен еліміздегі су тасқынынан зардап шеккен аймақтарға гуманитарлық көмек көрсетуге Әйел-қыздар секторы да атсалысты.

Тұрар Рысқұлов ауданына қарасты бірқатар ауылдық мешіттерде Халықаралық Жер күніне орай «Jer-ana» акциясын өткізілді. Акция аясында ағаштар және гүлдер егілді, тазалық жасалды.

Тұрар Рысқұлов ауданына қарасты ауылдық мешіттердің имам-молдалары сенбілік ұйымдастырды. Халықаралық «Жер-Ана» күніне орай мешіт аулаларына тазалық жұмыстары жасалды. Сенбілікке ауылдық мешіттердің жамағаты мен ауыл тұрғындары ат салысты. Кейбір ауылдарда қоғамдық жұмысшылар да өз көмектерін беруде аянып қалмады.

Айналамыздағы қоршаған ортаны таза ұстау – бiзге, мұсылмандарға түскен мiндет. Ендеше, табиғаттың тазалығы – тіршіліктің тынысы әрі иманымыздың көрінісі.

Қайырымдылық. Бір ғана сөз болғанымен, астарында үлкен мән мен мағына, терең ой жатыр. Бүгінгі қазақ қоғамында талай қайырымдылық қорлары жұмыс жасап, біраз мұқтаж жандар өз көмектерін алып, сәл болсын бақытқа кенеліп жатқаны өте қуантарлық жайт екенін мойындауымыз қажет.

Қазіргі таңда дін қоғамда маңызды орын алады, әсіресе жастар арасында діннің кең таралуы байқалады. Осыдан бірнеше жыл алдын кең таралған діни ағымдар мен діни ұйымдардың белсенді қызметтерінің нәтижесінде жастардың басым көпшілігі діни ұйымдардың мүшелеріне айналып отыр.  Міне соның алдын алу мақсатында Шу аудандық "Жәми" мешітінің наиб имамы Мағжан Мұратұлы Шу қалалық №40 мектеп лицейінің оқушыларымен кездесу өткізді. 

Діни сауатсыздық дінімізді дұрыс түсінбеуге, ал дінімізді дұрыс түсінбеу адасушылық пен қате-кемшіліктерге алып келетіні айдан анық. Дініміздегі адасушылық пен қате-кемшіліктерге бой алдыруымыз еліміздің рухани серпілуіне кері әсерін тигізіп, халқымыздың рухани тоқырауына алып келетін фактор. Олай болса, діни сауатсыздық дегеніміз не?