Кеше Жуалы ауданының бас имамы Алмас Кенжемолдаевтың бастамасымен аудандық «Толымбайтегі Зиябек» мешітінде ауыл имамдарының жиналысы өтті. Жиналыс барысында ҚМДБ-ның Жамбыл облысындағы өкіл имамы берген тапсырмалары айтылды және ауыл молдаларының атқарған жұмыстары тыңдалды.
Жиналыс барысында насихат жұмыстары, жұма намазындағы уағыз тақырыптары, ел арасындағы насихат жұмыстары, мектеп, колледж, кітапханада кездесулер өткізу, жат ағымдар қарсы күрес жұмыстары т.б. мәселелер талқыланды. Әсіресе заң жүзімен тиым салынған «Таблиғи -жамағат» тақырыбы да қозғалды.
Облыстағы һибаттула медресесіне шәкірттер дайындау, сондай-ақ шаруашылық жұмыстары, көктемдегі тазалық жұмыстары, мешіттің техникалық құжаттарын реттеу, мемлекеттік акт жасау, тіркету немесе тиісті тіркелмеген жоюға лайықты мешіттердің мәселелері т.б. назардан тыс қалмады.