«Ислам және жастар» жылы аясында Қордай ауданының бас имамы Д.Жандосұлы «Береке» колледжінінің студенттерімен имани кездесу өткізді.
Бас имам студенттерге дініміздегі отбасының орны, ата-ананы құрметтеудің маңызы, отбасы құндылықтары жайлы насихат айтып, қасиетті Рамазан айындағы ізгі амалдар туралы да сөз қозғады.
Дәуренбек Жандосұлы жасөспірімдерге салауатты өмір салты мен ғылым-білімге құштарлықтарын оятып, ізеттілік пен рухани тазалыққа бастайтын тағылымды уағыздар айтты.
Дін маманы білімнің қадыр-қымбаты жайлы тұщымды ой қозғап, әсерлі әңгіме өрбітті. Сонымет қатар, студенттердің көкейінде жүрген сұрақтарына жауап берді.
Аудандық «Қордай» мешітінің баспасөз қызметі