Америкалық әнші Камила Кабельо әлеуметтік желіде әлемдегі ең әдемі мешіттердің біріне келгендегі әсерімен бөлісті, деп жазады IslamNews.

Камила Кабельо Біріккен араб әмірлігінің Абу-Даби қаласына жасаған сапарында шейх Зайд мешітінде болған. Латынамерикандық әнші мешіт ауласына келгенде басына орамал тағып суретке түскен екен.

«Мен мешітке сый-құрмет ретінде хижаб кидім. Осындағы дүкеннің бірінде бір әдемі қыз маған оны киюге көмектесті. Біз ортақ тілде сөйлесе алмадық, алайда ол маған сондай жылы жүзбен қарады, тіптен жақын құрбымдай көрінді. Мен бұл әсерімді сөзбен суреттеп бере алмаймын. Бірақ бұл тәжірибе маған ерекше сезім сыйлады. Адамдарға жақын болу және жақсы көруді үйрендім» дейді әнші өзінің Instagram парақшасында.