Канаданың Эдмонтон қаласындағы шіркеу өз қауымын исламофобияға қарсы «махаббат хаты» арқылы күресуге шақырды, деп жазады CBC.
Эдмонтонның оңтүстік-батысында орналасқан лютерандық шіркеу мұсылман қауымын қолдау мақсатында хат жазу кампаниясын бастады. Бұған соңғы айда қаладағы екі мешітке өшпенділікпен жасалған шабуыл себеп болған.
«Біз Эдмонтонда мұсылман халқына мейіріммен қарайтын жүрегі бар адамдар бар екенін білеміз. Енді осы бауырмалдықты сездіруге шақырамыз» деп атап өтті пастор Линдси Йоргенсен-Скакум.
Еске салсақ, 25 қаңтар күні әл-Рашид мешітінде жұма намазы кезінде екі ер адам келіп мұсылмандарға киліккен. Олардың бірі үстіне араб тілінде «кәпір» деп жазылған жейде киген.