ҚМДБ-ның Жамбыл облысы бойынша өкілдігінің "Әйел-қыздар" секторының ұйымдастыруымен Тараз қаласында тұратын 10 мұқтаж отбасына тегін азық-түлік таратылды. Үнемі жақсылықтың жаршысы болып жүрген орталық "Һибатулла Тарази" мешіті мұқтаж отбасыларға көмектесе отырып, қасиетті Мәуліт айында бір үлкен сауапты іс атқарды.

Орталық "Һибатулла Тарази" мешітінің наиб имамы Аманбаев Ержан, ұстаздары Алдасаева Гүлжан мен Маханбетова Ләззаттың атсалысуымен мұқтаж, жалғызбасты аналар, көпбалалы аналар барлығы 10  отбасына әрқайсысында ұн, күріш, макарон және қорап шәй мен тәтті печеньелер, ас майы өнімдері бар бір пакет толы азық-түлік таратылды.

Жылы сөз, жұмсақ алақанға зәру болған мұқтаж жандар, әсіресе қарттар мен кейуаналар қуаныштан көздеріне жас алып, алғыс-баталарын беріп жатты.