Түркияда шіркеу қызметкері жергілікті мұсылман қауымының мешіт ғимаратының құрылыс жұмыстарына көмектесіп, әлеуметтік желілерде көпшілікті тәнті етті.

Түркияның шығыс аймағындағы шіркеу қызметкері Даниэль Савчи мешіт имамдарына құлшылық үйінің қабырғасын жөндеуге көмектескен. Бұл сурет интернет бетінде кең тарап, қоғам назарын аудартты. Журналистер шіркеу қызметкеріне мұсылмандардың мешітін тұрғызу жұмыстарына қол ұшын созуға не түрткі болғанын сұраған кезде ол бұл әрекетін қарапайым адамгершілік екенін айтты. «Мұсылмандар да бізге көмектесіп тұрады ғой. Бұл қалыпты жағдай. Мұндай қарым-қатынас дінаралық татулықты арттырады» дейді Даниэль Савчи.