Ресейдегі ең үлкен және әсем мешіттің бірі Шешенстанның Грозный қаласында орналасқан. «Шешенстан жүрегі» мешіті 2008 жылдың 17 қазан күні ашылған, деп жазады islam-today.
Шешен астанасындағы үлкен мешіт екі жарым жылда салынған. Мешіт ислам кешенінің бір бөлігі саналады, мұнда тағы Кунта-қажы атындағы ислам кешені және Шешенстан республикасы Мұсылмандары діни басқармасы орналасқан.
«Шешенстан жүрегі» мешіті классикалық осман үлгісінде тұрғызылған. Төрт мұнарасының биіктігі – 63 метр. Мешіттің ішкі және сыртқы қабырғалары мәрмәр тастан, ішкі интерьері ақ мәрмардан жасалған. Құлшылық үйінің жалпы көлемі 5 мың шаршы метр, сыйымдылығы 10 мың адамнан асады. Сондай-ақ, тағы осынша адам мешіттің ауласында намаз оқи алады.
кazislam.kz