Кезекті кездесу Қордай ауданының бас имамы Дәуренбек Жандосұлының қатысуымен «Береке» гуманитарлы-экономикалық колледжінде өтті. Студенттерімен кездесу барысында бас имам «Мұсылман адам қандай болу керек?» атты тақырыпта насихат айтып, сұхбат барысында Алла құзырында өтірік, өсек, ғайбат айту, ішімдік ішу, ата-анаға қарсы келу сынды үлкен күнә болып табылатын жаман әдетер жайында кеңінен тоқталып өтті. Дәстүрімізден мысалдар келтіріп, дін мен дәстүрдің сабақтастығын көрсетіп берді Д.Жандосұлы

Білім алу, ғылым игеру мұсылман баласына жат емес, керісінше тән дүниелер екендігін айта келе Дәуренбек Жандосұлы өз дәуірінде қазіргі барша ғылым саласының іргетасын қалап кеткен осы мұсылман өркениетінің өкілдері, ислам әлемінің ғалымдары деп, жас буынның санасына бабалардан жеткен мұралар жайлы мазмұнды мағыналы ой тастады. Кездесу соңында студенттер өздерін қызықтырған сауалдарын қойды.

Аудандық «Қордай» мешітінің Баспасөз қызметі