Қазақстан қажылары толығымен Мекке мен Мəдина қалаларына жетті. Бұл туралы ҚМДБ жанындағы Қажылық миссиясы мəлімдеді.
Бүгінде жерлестеріміз кіші қажылығын өтеп, үлкен қажылыққа дайындалуда. Қазақстан мұсылмандары діни басқармасының Шариғат жəне пəтуа бөлімінің меңгерушісі Сансызбай қажы Шоқанов бастаған ғалымдар уағыз-насихат, түсіндіру шараларын жүргізуде.
Айта кетейік, биыл Сауд Арабия Корольдігінің Қажылық министрлігі қазақстандық қажыларға 3000 квота бөлген болатын.