Тараз қалалық «Кеңесхан қажы» мешітінде әйелдер-қыздар секторы ұстаздарының ұйымдастыруымен жазғы сауат ашу курсын бітіруші шәкірттер мақтау  қағазымен марапатталды.

Ата-аналар мен шәкірттердің бас қосуымен өткен жиында мешіт имамы Жансақалов Дәулеткелді ата-аналар мен шәкірттерге бала тәрбиесі мен шариғи ілім жайында уағыз айтты.

Сондай ақ, мешіт ұстаздары мешітке оқуға алып келіп, бала тәрбиесінде жақсы жол көрсеткендері  үшін ата-аналарға алғыс айтып,  дәрістер қыркүйек айында жалғасатынын ескертті.

Шәкірттер ата-аналардың назарына жаттаған тақпақтарын оқып берді. Іс-тәжірибеден өтіп жатқан студенттер көпшілікке екі айлық курстан үзінді ретінде естелік етіп,  суреттерден слайд жасап көрсетті.

Жиын соңында  үздік шәкірттерге мақтау  қағаздары табысталды.

«Кеңесхан қажы» мешітінің Баспасөз қызметі