Франция үкіметі ислам діні немесе басқа да діндермен ешқандай проблемаға кезіккен жоқ. Алайда, республикадағы зайырлы мемлекет нормалары елде исламға ауқымды реформа жүргізуді талап етеді. Бұл туралы кеше Франция президенті Эмманюэль Макрон республика қос палатасының бірлескен конгресінде мәлімдеді, деп жазады Islam.ru.

Франция президентінің айтуынша, күзде республика көлемінде ислами бірлестіктерге «ел заңнамаларына сәйкес ережелер мен қағидалар» берілетін болады. «Біз бұл жұмыстарды осы конфессияны ұстанатын франциялықтармен бірлесе жүргізетін боламыз» деді ол.

Макрон сондай-ақ, жалпыұлттық тұтастық ісінде жаңа қадамды жасау үшін «жаңарған заңнамаларды, жаңа келісімдерді талап ететінін» атап кетті.

kazislam.kz