Танымал мұсылман-футболшысы, «Ливерпуль» клубының шабуылшысы  Мұхаммад Салах Мысырдағы өзінің туған ауылы Нагригте су құбыры мен кәріз жүйесін жүргізу үшін қомақты қаражат, атап айтқанда, 450 мың АҚШ долларын жұмсады.

Мұхаммад Салах өзінің қайырымдылық көрсетуімен кеңінен танымал жан. Ол спорт алаңдарын салуға, Мысыр ауруханалары үшін медициналық жабдықтарды сатып алуға, онкологиялық дертке шалдыққан балалардың емделуіне өз қаражатын ойланбастан жұмсайды.

Мұның алдында  Сауд Арабия билігі Салахқа қасиетті қала Меккеден жер телімін сыйға тартқандығы  мәлім болған. «Аталмыш сый – өзінің асқан адамгершілігі және қайырымдылығымен танымал болған мысырлық жұлдыз Салахқа көрсетілген құрмет», – деп айтылған сауд шенеунігінің мәлімдемесінде.

asyldin.kz