БАӘ үкіметінің қабылдаған қаулысына сай елдегі қыз-келіншектер мен ер адамдардың алатын жалақылары бірдей болмақ.

Қабылданған құжаттың мақсаты – гендерлік алшақтықты қысқарту, сондай-ақ, қыз-келіншектердің құқығын қорғау әрі мемлекеттің дамуында олардың алатын рөліне қолдау көрсету.

Естеріңізге сала кетсек, 2015 жылы БАӘ-де гендерлік теңгерім туралы Кеңес құрылған. Осының арқасында мемлекет әлемдегі алдыңғы қатарлы гендерлік теңгерім мәселесін қарастыратын елге айналды.

Жоғары қыз-келіншектер одағының төрайымы, Ана мен бала Жоғары кеңесінің президенті және отбасы дамуы Қорының төрайымы шейх Фатима бин Мубарак әзірлеген аталмыш заң БАӘ қыз-келіншектердің құқығы мен мүмкіндігін кеңейту Стратегиясын жүзеге асырудың бөлігі болып табылады.

asyldin.kz