Ұлыбритания полициясы «мұсылмандарды жазалау күнін» ұйымдастыруға шақырған белгісіздерді іздестіруде.

The Guardian баспасының мәлімдеуінше, 10 және 11 наурыз күндері бірден елдің бірнеше қалаларында, соның ішінде, Лондонда да, 3 сәуір күні Ислам дінін ұстанушыларға шабуыл жасауға үндеген кітапшалар пайда болған.

«Мұсылмандарды жазалау күні» аясында жасалған әр шабуылы үшін әрбір азаматқа нақты ұпай берілетіндігі келтірілген. Мысалы, мұсылман қыз-келіншектердің басынан жұлып алынған орамал үшін - 25 ұпай, ал өлтіргені үшін – 500 ұпай.

Тергеу ісін Біріккен корольдіктің лаңкестікке қарсы полициясы жүргізуде. Құқық қорғаушылар осыдан келер қауіптен мұсылмандарды сақ жүруге үндейді.

«Бұл оқиғаға біз қарқынды кірісудеміз және өшпенділік себебінен болатын қылмыстың алдын-алып, оны болдырмауға сеніміміз мол», - деп атап өткен британ полициясының ресми өкілі.

asyldin.kz