Малайзияда жуырда шариғат қағидалары мен заңдарына сәйкес келетін GOLDX криптовалютасы шығарылмақ.
Әлемдегі тұңғыш халал криптовалютасын шығарумен HelloGold компаниясы айналысатын болады. Сонымен қатар, токендер, Сингапурдегі аккредиттелген компания қоймасында сақтаулы алтын қорымен қамтамасыз етілетін болады.
Компания өкілдерінің айтуынша, халал криптовалютаға қатысты операциялар Ислам қаражат келісімшарттарының барлық қағидаларына сәйкес болады, яғни, транзакцияның анықтығымен, ашықтығымен әрі жылдамдығымен ерекшеленбек. GOLDX — ислам әлемі үшін дайындалған әрі шариғат құқықтарының білгірлерімен құпталған тұңғыш криптовалюта болмақ. Дайындаушылар халал криптовалюта шариғат құқықтық әрі қаражаттың маңызды жүйесі болып табылатын - Азия, Африка және Таяу Шығыс елдерінде сұранысқа ие болады деп үміттенуде.
asyldin.kz