Манчестер университетінің ғылыми қызметкерлері Еуропадағы қысқа толқынды пештердің 7 миллион машина шығаратын көмірқышқыл газының көлеміндей көмірқышқыл газ шығаратынын анықтаған. Ғалымдардың пікірінше, бұл құрылғыларды тиімсіз пайдалану жаһандық жылынуға әкеліп соғатын көрінеді.

Аталмыш қысқа толқынды пештерді өндіру әрі оны қолдану, сондай-ақ, жою кезінде олар қаншалықты көлемде көміртек диоксидын шығаратындығын ғалымдар анықтаған, - деп мәлімдеген Лента.ру. Зерттеушілердің пайымдауынша, 19 қысқа толқынды пеш бір  жыл бойы бір авто шығаратын булы газ көлемін атмосфераға шығаруға мүмкіндік береді екен.

Сонымен қатар, сарапшылардың айтуынша, бір ғана Британиядағы автомобиль шығаратын көмірқышқыл газының көлемі, Еуропа елдерінде қысқа толқынды пештерді қолданудан болатын көмірқышқыл газының көлемінен 10 есе артып түседі. Сондай-ақ, қысқа толқынды пешке тамақ дайындауда энергия көзі басқа жылулық өңдеудегілерден аз кететін көрінеді.

Соған қарамастан, пешті қолданып болған соң бірден өшіру керектігін ұсынады мамандар, тіпті қосымша атқарулар, мысалы электронды сағатқа да энергия жұмсалмауы үшін. 

Зерттеушілердің айтуына қарағанда, қысқа толқынды пештердің қызмет көрсету уақыты соңғы 20 жылда 7 жылға қысқарған. 2020 жылға таман қоқысқа шамамен 16 млн құрылғы тасталатын болады. Ал бұл дегеніміз — атмосферадағы булы газдың көлемін арттырып әрі жаһандық жылыну қарқынын күшейтуге әкеліп соғады.