Мысыр билігі тарихи артефактарды ұрлағаны үшін жазаны анағұрлым күшейтпек. Қазіргі таңда үкімет көнеліктерді қорғау туралы заңға сәйкес түзету енгізу үстінде. Құнды тарихи нысандарды және көне мысырлық монументтердің бөліктерін шекарадан шығарғаны үшін өмір бойы түрмеге қамау жазасы жоспарлануда. Бұдан бөлек, Egypt Today мәлімдегендей, 500 мың доллар көлемінде ірі айыппұл қарастырылған.
Естеріңізге сала кетсек, Мысырда соңғы аты шулы қылмыс өткен жылдың желтоқсанында орын алған. Каир қаласындағы халықаралық әуежайда бір жолаушыдан 329 көне шақа табылған, ол бұл артефакты Францияға жіберуді жоспарлаған екен.