Жуырда Сауд Арабияда таксиші қыз-келіншектер пайда болады.

Сауд Арабияда  жақын уақытта жүргізушілерді іздейтін және таксиге тапсырыс беретін  Uber және оның Таяу Шығыстағы бәсекелесі  Careem сияқты ірі  онлайн-сервистер қыз-келіншектерді жұмысқа ала бастайды. 

Arab News баспасының мәлімдеуінше, таксиші қыз-келіншектердің қызметін тек әйелдер немесе отбасылар ғана пайдалана алатын болады. Күндізгі немесе түнгі ауысымда жұмыс жасауды жүргізуші қыз-келіншектердің өздері шешеді.

Үстіміздегі жылдың наурыз айында-ақ Uber жұмысқа 10  шақты нәзік жанды жүргізушілерді қабылдайды деп жоспарлануда.

Қыз-келіншектерді жұмысқа алмай тұрып, олар арнайы дайындық курстерінен өтетін болады. Аталмыш курстерде қыз-келіншектерге Сауд Арабиядағы жол жүру ережелері мен ерекшеліктері, клиенттерге қызмет көрсету қағидалары, сондай-ақ, жұмыс барысында олар тап болуы мүмкін әлеуметтік және  заңды мәселелер туралы баяндалатын болады.